Ndarje administrative në nivel njësie të vetëqeverisjes vendore. Informacioni i publikuar paraqet hartën e përditësuar të kufijve administrativo-territorialë të njësive të vetëqeverisjes vendore miratuar me VKM-në nr. 360 datë 29.05.2019, në bazë të ligjit nr. 115/2014 "Për ndarjen administrativo- territorialë të njësive të qeverisjes vendore në Republikën e Shqipërisë". Të dhënat janë konform standardit të miratuar me VKM-në nr. 1078, datë 23.12.2015, Për miratimin e dokumentit “Standardet Shtetërore për Specifikimet Teknike të Informacionit Gjeohapësinor në Shqipëri, Tema - Kufijtë e njësive administrative”.
Përditësimi i fundit është kryer bazuar në shkresën nr. 5126/3, datë 21.10.2020, me lëndë “Për publikimin e përditësimit të koordinatave të njësisë së vetëqeverisjes vendore Bashkia Kamëz”, të Sekretarit të Përgjithshëm të Këshillit të Ministrave, dhe hartës së vënë në dispozicion nga autoriteti publik përgjegjës për temën “Kufijtë e njësive administrative”, Agjencia për Mbështetjen e Vetëqeverisjes Vendore, me shkresën nr. 365/1 datë 29.10.2020.